“Ako po ay si Padre Hiteroza na nagpupugay sa Diyos at sa inyo. Nawa’y tangkilikin at nawa’y patuluyin sa puso niyo.”
Tanging bukambibig ko’y EXCELSIOR!
S’aking installation sa DSPNSDA
Onward and upward! That’s for sure
Lalo pa’t ako ngayo’y kura ng parokya.
Pagmamabutihin ko tungkuling
Iniatang sa aking balikat
Ng aming obispong butihing
Sampu ng mga pagsubok at kaakibat.
Ako po ay si Padre Hiteroza
Na nagpupugay sa Diyos at sa inyo-
Nawa’y tangkilikin at nawa
Ay patuluyin sa puso niyo.
Isasangguni ko sa mga
Kinau-ukulan ang samu’t saring
Isyu at suliraning iba-iba
Sa obstacle course kong tatahakin.
‘Wag sana maging tulad ni Belshazzar
Ng Antigong Babilonya
Ang napipinto kong galaw at andar
Ay marapat at akma.
‘Wag sana mabasa sa dingding
NEME, NEME, TEKEL, UPHARSIN
Habang namamayagpag ang piging
Na binigyan ng masaklap na salin
Ng propetang si Daniel
Bisperas ng wakas ng Babel.
Datapwat malayo-layong halimbawa
Tama lamang na tayo’y umasa sa awa
Ng Panginoon na lahat ay
Kayang bawiin ang ibinigay.
Marami pong Salamat
Sa Diyos na may akda ng buhay at pagmamahal
Na bagamat di ako karapat-dapat
Ay napiling maglingkod sa parokyang minamahal
Sa ating mahal na Obispo
Francisco De Leon ng Antipolo
Taos-pusong pasasalamat
Sa pag-instala sa akin sa San Mateo.
Sa aking mga kapatid na pari
Magkakahalong damdamin sa aki’y naghahari
For the first time in my installation story
Suporta ninyo’y di maitatanggi.
Yaman din lamang na ako
Pinagkakatiwalaan na mangasiwa
Ay naitalang kura paroko
Ng Nuestra Señora de Aranzazu,
ay minabuti kong pagyamanin
sa abot ng aking kakayahan
ang mission/vision at alituntunin
ng parokyang kasalukuyan.
Puspusin sana ng awa
Ang aba kong pagsisikap-
Na gampanan sa tuwina
Tungkulin at gawain ganap.
Nang sa gayon ay tumugma
Ang aking pagka-instala
Sa kaakibat na doktrina at dogma
Para sa katolikong madla.
ADLIB.
Maraming Salamat din po sa mga dumalo:
- Government officials – Mayor Tina Diaz ng San Mateo, Rizal sampu ng Sangguniang Bayan
- Mayor Mando San Juan ng Morong, Rizal
- Sa mga nagsakripisyo…
- Sa lahat ng mga nagsiganap sa liturhiya
- Sa Pastoral Council at lahat ng Church Workers
- Sa Parishioners ng Christ the King Parish; Muzon, Taytay, Rizal; Holy Family Parish, Parang, Marikina City; St. Jerome Parish, Morong, Rizal; Nativity of Our Lady Parish, 1VC, Marikina City; at sa kasalukuyang Parokya Nuestra Señora de Aranzazu.
Ako’y tuwang-tuwa makita muli
Mga dating “suki” na nananatili
Sa puso’t alaala ng bawat isa
Di pa rin nagsasawang makiisa.
Ang ordinaryong naglilipat-bahay
Suwerte na kung may kapit-bahay
Na sa paglipat niya’y umaalalay.
Samantalang ako, isang hamak na pari,
Ina-alalayan ng ganito ka dami!
Salamat, maraming salalamat sa inyo
Ng mga dating kapit-bahay, kapit-buhay ko.
Hindi ko na pahahabain pa
Pasasalamat sa bawat isa
Sa mga nandito at dumalo
At ngayo’y aking makakasalo.
