Tuwing may naka-karoling
Pansin ay nababaling
Tungo sa samu’t saring
Bagay na mataginting
Ano kaya kung sa halip
Ng mga ganitong kathang-isip
Ay tayo’y mag-isip-isip
Ng kapwa nating nagigipit
At lunasan kahit saglit
At bawasan pang pait
Na higit pang lumalala
Sa panahon ng Paskuwa
‘Pagkat tila yata nawawala
Ang ating pakikipagkapwa
Dala ng tindi ng kompetensya
Ng ‘bat-ibang industriya.
Bilangin nawa natin
Ang matitinding pasanin
Ng mga kapwa’t bigyan ng pansin
Nagdi-dildil lang ng asin
At nawa’y pasaganain
Ng Diyos sa kanyang pagdating.
Social Media Comments
